Murton yw ein safle pedair erw sydd wedi trawsnewid dros y deng mlynedd diwethaf. Mae ein hadeiladau blaengar yn cyfuno gwaith adeiladu cyfoes, cynaliadwy a thraddodiadol, gan arddangos potensial grwpiau ‘dan anfantais’ ac ‘anodd eu cyrraedd’ sydd wedi helpu i greu adeiladau cynaliadwy mewn amgylchedd hardd.

Mae gan Murton 100% o drydan adnewyddadwy, gwres a dŵr poeth o’n safle ein hunain ac, yn fwyaf diweddar, pwynt gwefru EV 50kw cyntaf Gŵyr! Mae ein tipi anferth ar gael ar gyfer gweithdai a digwyddiadau ac mae ein hadeiladau ffrâm bren lleol yn cynnwys ein canolfan hyfforddi hynod. Mae gennym ni hefyd foch brid prin tymhorol!

Tua 8 milltir o Murton, mae ein safle 6-erw Bryngwyn Bach yn brosiect partneriaeth gyda Valley Kids. Gyda phensaernïaeth gynaliadwy syfrdanol wedi’i hadeiladu gan grwpiau bregus ac ‘anodd eu cyrraedd’, mae gan Fryngwyn Bach amrywiaeth o adeiladau gan gynnwys wal byrnau gwellt a strwythurau plastr â waliau clai.