Cronfa Freuddwydion
Ar y cyd â Valleys Kids, dyfarnwyd £583,000 i Brosiect Down to Earth gan ‘Dreamfund’ Loteri Cod Post y Bobl. Defnyddiwyd yr arian hwn i adeiladu canolfan breswyl hynod gyda phobl ifanc ddifreintiedig ym Mryn Gwyn Bach ym Mhenrhyn Gŵyr. Hwn oedd y tro cyntaf i brosiect yng Nghymru gael ei ariannu gan Dreamfund ac ar y pryd dim ond 3 phrosiect partneriaeth yn y DU yr oeddent wedi’u hariannu. Roedd yn gydnabyddiaeth wych o’n hymagwedd a’r bartneriaeth gyda Phlant y Cymoedd.
Ar gyfer pwy oedd y prosiect hwn?
Caniataodd prosiect Dreamfund ni i ddarparu cyfleoedd hyfforddi mewn adeiladu cynaliadwy ar gyfer grwpiau o 8 – 12 o bobl ifanc (17-24 oed) o asiantaethau cyfeirio.
Ble?
Roedd wedi ei leoli ar ein safle Bryn Gwyn Bach. Fferm fechan wrth droed Cefn Bryn ar Benrhyn Gŵyr yw Bryn Gwyn bach.
Pwy ariannodd y prosiect hwn?
Mae Postcode Dream Trust yn gorff sy’n rhoi grantiau a ariennir yn gyfan gwbl gan chwaraewyr y People’s Postcode Lottery sy’n cefnogi elusennau sy’n dymuno cyflwyno prosiectau hynod arloesol, effeithiol ac atyniadol ledled Prydain a thu hwnt. Mae Postcode Dream Trust yn gweithredu ei loteri cymdeithas ei hun ac yn derbyn ei holl gyllid gan chwaraewyr y People’s Postcode Lottery .
